ਸਰ੍ਹੋਂ : ਸਰਦੀਆਂ ਦੇ ਮੌਸਮ ਵਿਚ ਹਰੀਆਂ ਸਬਜ਼ੀਆਂ ਵਿਚੋਂ ਸਰ੍ਹੋਂ ਦੀ ਸਭ ਤੋਂ ਵੱਧ ਮੰਗ ਹੁੰਦੀ ਹੈ। ਪੰਜਾਬ ਵਿਚ ਮੱਕੀ ਦੀ ਰੋਟੀ ਅਤੇ ਸਰ੍ਹੋਂ ਦਾ ਸਾਗ ਅੱਜ ਵੀ ਖਾਸ ਪਕਵਾਨਾਂ ਵਿਚੋਂ ਇਕ ਮੰਨਿਆ ਜਾਂਦਾ ਹੈ। ਸਰ੍ਹੋਂ ਦੇ ਪੱਤਿਆਂ ਵਿਚ ਜ਼ਿਆਦਾ ਸੋਡੀਅਮ, ਫਾਸਫੋਰਸ ਤੱਤ ਤੋਂ ਇਲਾਵਾ ਵਿਟਾਮਿਨ ‘ਏ’ ਅਤੇ ‘ਬੀ’ ਹੁੰਦਾ ਹੈ |
ਪਾਲਕ: ਸਰ੍ਹੋਂ ਦੇ ਸਾਗ ਤੋਂਬਾਅਦ ਅਗਲਾ ਨੰਬਰ ਹਰੀਆਂ ਸਬਜ਼ੀਆਂ ਵਿਚ ਪਾਲਕ ਦਾ ਆਉਂਦਾ ਹੈ। ਇਸ ਦੀ ਸਬਜ਼ੀ ਠੰਢੀ ਅਤੇ ਛੇਤੀ ਪਚਣਵਾਲੀ ਹੁੰਦੀ ਹੈ। ਇਸ ਵਿਚ ਮੌਜੂਦ ਖਣਿਜ ਤੱਤ, ਪੋਟਾਸ਼ੀਅਮ, ਕੈਲਸ਼ੀਅਮ ਅਤੇ ਲੋਹਾ ਵਿਅਕਤੀ ਦੇ ਸਰੀਰ ਨੂੰ ਤਾਕਤਵਰ ਬਣਾਉਣ ਵਿਚ ਖੂਬਮਦਦ ਕਰਦਾ ਹੈ

ਮੇਥੀ : ਡਾਕਟਰਾਂ ਮੁਤਾਬਿਕ ਮੇਥੀ ਇਕ ਪੋਸ਼ਟਿਕ, ਵਾਤਨਾਸ਼ਕ, ਪੇਚਿਸ ਅਤੇ ਦਸਤ ਨੂੰ ਰੋਕਣ ਵਿਚ ਚੰਗੀ ਹੁੰਦੀ ਹੈ ਅਤੇ ਖੂਨੀ ਬਵਾਸੀਰ, ਸ਼ੂਗਰ ਨਾਸ਼ਕ ਹੁੰਦੀ ਹੈ। ਇਸ ਲਈ ਠੰਢ ਦੇ ਦਿਨਾਂ ਵਿਚ ਗਰਮੀ ਪੈਦਾ ਕਰਨ ਲਈ ਮੇਥੀ ਦੀ ਜ਼ਰੂਰ ਵਰਤੋਂ ਕਰੋ, ਲਾਭਦਾਇਕ ਸਾਬਤ ਹੋਵੇਗੀ।
ਹਰਾ ਪਿਆਜ਼ : ਸਾਡੇ ਵੱਡੇ-ਬਜ਼ੁਰਗਾਂ ਦਾ ਵੀ ਕਹਿਣਾ ਹੈ ਕਿ ਹਰਾ ਪਿਆਜ਼ ਬਲਵਰਧਕ, ਪਾਚਕ, ਕਫ ਅਤੇ ਜਵਰਨਾਸ਼ਕ ਹੁੰਦਾ ਹੈ। ਵਿਟਾਮਿਨ ‘ਸੀ’ ਵੀ ਇਸ ਅੰਦਰ ਹੁੰਦਾ ਹੈ।
ਮੂਲੀ : ਵੈਸੇ ਤਾਂ ਹਰੀਆਂ ਸਬਜ਼ੀਆਂ ਵਿਚ ਮੂਲੀ ਦੀ ਤਸੀਰ ਠੰਢੀ ਪਾਈ ਜਾਂਦੀ ਹੈ। ਬਵਾਸੀਰ, ਪੀਲੀਆ ਰੋਗ ਵਿਚ ਵਿੱਚ ਚੰਗੀ ਹੁੰਦੀ ਹੈ। ਇਹ ਅੰਤੜੀਆਂ ਲਈ ਐਂਟੀਸੈਪਟਿਕ ਦਾ ਕੰਮ ਕਰਦੀ ਹੈ, ਜਦੋਂ ਕਿ ਇਸ ਦੇ ਹਰੇ ਪੱਤੇ ਅਤੇ ਚਿੱਟੀਆਂ ਜੜ੍ਹਾਂ ਤੋਂ ਵਿਟਾਮਿਨ ‘ਏ’ ਲਿਆ ਜਾ ਸਕਦਾ ਹੈ, ਜੋ ਸਰੀਰ ਦੇ ਅਨੇਕ ਰੋਗਾਂ ਨੂੰ ਰੋਕਣ ਵਿਚ ਸਹਿਯੋਗ ਦਿੰਦਾ ਹੈ।
ਚੁਕੰਦਰ : ਜੇ ਤੁਸੀਂ ਸਰੀਰ ਨੂੰ ਤੰਦਰੁਸਤ ਬਣਾਈ ਰੱਖਣ ਤੋਂ ਇਲਾਵਾ ਜਿਮ ਦੇ ਸ਼ੌਕੀਨ ਹੋ ਚੁਕੰਦਰ ਦੀ ਵਰਤੋਂ ਕਰਨੀ ਬਿਲਕੁਲ ਨਾ ਭੁੱਲੋ। ਸਲਾਦ ਦੇ ਰੂਪ ਵਿਚ ਗਾਜਰ ਵਾਂਗ ਚੁਕੰਦਰ ਦੀ ਵਰਤੋਂ ਕੀਤੀ ਜਾਣ ਨਾਲ ਵੀ ਕਾਫੀ ਲਾਭ ਮਿਲਦਾ ਹੈ, ਜਦੋਂ ਕਿ ਜੂਸ ਕੱਢ ਕੇ ਪੀਣ ਨਾਲ ਕਾਫੀ ਰੋਗਾਂ ਦਾ ਨਾਸ਼ ਹੋ ਸਕਦਾ ਹੈ। ਪੱਥਰੀ ਰੋਗ ਨੂੰ ਖ਼ਤਮ ਕਰਨ ਲਈ ਵੀ ਚੁਕੰਦਰ ਵਰਤੋਂ ਕੀਤੀ ਜਾਂਦੀ ਹੈ।
ਮਟਰ : ਅਖੀਰ ਵਿਚ ਮਟਰ ਦੀ ਵਾਰੀ ਆਉਂਦੀ ਹੈ। ਵੈਸੇ ਤਾਂ ਮਟਰ ਦੇ ਦਾਣਿਆਂ ਵਿਚ ਮਿਠਾਸ ਕਿਸੇ ਤੋਂ ਛੁਪੀ ਨਹੀਂ ਹੈ। ਇਸ ਦੇ ਬਾਵਜੂਦ ਪੋਸ਼ਕ ਤੱਤ ਦੇਣ ਵਿਚ ਇਹ ਸਾਡੀ ਕਾਫੀ ਮਦਦ ਕਰਦਾ ਹੈ। ਇਹ ਮੋਟਾਪਾਵਰਧਕ ਅਤੇ ਖੂਨ ਸੋਧਕ ਹੈ ਅਤੇ ਪਿੱਤ ਨਾਲ ਹੋਣ ਵਾਲੀ ਜਲਣ ਤੋਂ ਕਾਫੀ ਆਰਾਮ ਪਹੁੰਚਾਉਂਦਾ ਹੈ।

ਇਸ ਤਰ੍ਹਾਂ ਜੇ ਰੋਜ਼ਾਨਾ ਹਰੀਆਂ ਸਬਜ਼ੀਆਂ ਨੂੰ ਅਮਲ ਵਿਚ ਲਿਆਂਦਾ ਜਾਵੇ ਤਾਂ ਯਕੀਨਨ ਕੋਈ ਵੀ ਵਿਅਕਤੀ ਕਦੇ ਛੇਤੀਬਿਮਾਰ ਨਹੀਂ ਹੋਵੇਗਾ ਅਤੇ ਹਮੇਸ਼ਾ ਨਿਰੋਗੀ ਬਣ ਕੇ ਤੰਦਰੁਸਤ ਦਿਖਾਈ ਦੇਵੇਗਾ।